انت مسلم ولا مسيحى

موضوع: انت مسلم ولا مسيحى 7/9/2007, 12:59 pm

التعارف بينا بعد كدا هيبق انت مسلم ولا مسيحى وبعد كدا احدد اعرفك ولا لا
عندى سؤال مش لقياله اجابه وهو ليه فى الزمن ده الناس بتغير دينها وبتعمل شو بالموضوع يا سيدى او يا سيدتى عاوز تغير ديانتك وتذهب لديانه تانيه انت مقتنع بيها ومؤمن بيها اوك بس ميبقاش الموضوع شو وظهور على الفضائيات وتتكلم كلام جارح يجرح ديانتك السابقة لانك لازم تراعى ان ديانتك السابقة فى كتير جدااا مؤمنين بيها وبكدا انت بتستفزهم وتخلى مشاكل كتيرة تحصل
احنا ليه دلوقتى بنسمع عن اضطهاد دينى وفتنة طائفية هى العلاقة بين المسلمين والمسيحيين بقت معقدة اوى كدا ولا بقيت بيتعمل عليها مصالح اوسخ حاجة فى الدنيا وفى الكون انك تاخد الدين وسيلة للوصول لاهدافك لان الاديان سماوية ومينفعش التهريج الى بيحصل انا اما ببص للموضوع ذيى ذى اى حد عادى بلاقى ان الموضوع متصورلى ان المسيحيين بيكرهونى ومش عوزنى فى الدنيا وايضا المسيحيين بيحسوا ان المسلمين كارهنهم ورافضين انهم يكبروا انا والله العظيم الى كان جمب امى فى ولادتى واحدة مسيحية واتربيت على ايديها فجأة الاعلام يصورلى ان الست دى مش طيقانى طب ما كانت تموتنى او تسمنى ايه الى بيحصل وليه بيحصل ووصلين لفين معاه واخرت الشو الى فى الفضائيات ده ايه وعلى سبيل المثال وليس الحصر
مندو واندرو الطفلين المسيحيين الى باباهم غير ديانته للاسلام وبعد 8 سنين من اعتناقه للاسلام عاوز يخليهم يغيروا ديانتهم للاسلام ومفتكرش ده الا بعد 8 سنين وده عشان يعكنن على مراته والعيال لانهم قاعدين معاها وبيطلب طلب تغيير الديانة فى وقت الامتحانات يا راجل يبق ده اسمه كلام ده ان صح عليك لقب راجل مفتكرتش تغير ديانتهم الا بعد 8 سنين وبعد ما اسلمت وبعدها رجعت للمسيحية وبعدها رجعت للاسلام طب بزمتك الطفلين دول ايه زمبهم فى الشحتته دى لما ترسى على بر ابق اديلهم مسدج وبلاش توجع دماغنا وحل الموضوع فى قاعدة عيلة مش فى قاعدة شو اعلامى
وتانى حاجه على سبيل المثال بردو محمد حجازى الشخص الغريب حب الاضواء يخلى الواحد يغير دينه مع احترامى الكامل للديانه المسيحية بس ده بيدور على شو مش على دين ده واحد ابو بيقول انا بقالى 6 سنين معتنقع المسيحية وابوه بيقول ده من اسبوعين قبل ظهوره على شاشات الاعلام انه كان بيصلى معاه فى الجامع والمفأجاة ان محمد حجازى بيكدب باباه وبيقول لا ده محصلش واحد كدب ابوه وكمان فى شريط فيديو متصورله وهو فى مظاهرات وبيقول هتافات اسلامية وماسك مصحف وهو بيكدب ده ويقول لا مش انا يا عم احنا ملنا انت ولا مش انت احنا الى يخصنا انك متحرقش دمنا غير ديانتك ذى ماانت ما عايز بس بعيد عن الشو بعيد عن الاستعراض ارحمونا يرحمكوا ربنا حرام ان الدين يبق لعبة ووسيلة
والعلاقة بين المسلم والمسيحى مش معقدة كدا ( لكم دينكم ولى دينى ) بدل ما بندور على الشو حولين الى بيغير دينه ندور على البلد الى بتضيع وحال شبابها الى بيضيع سواء شباب مسلمين او مسيحيين وبيتهيالى محمد حجازى بجانب الشو الى عمله حوالين نفسه فهو كمان اخد فلوس مقابل ظهوره على الفضائيات بصراحة معرفش اخد او لا بس الفضائيات النفس فيها بفلوس

وجعت دمغكوا صح معلش اعزورونى
سلام مع امل التغيير

موضوع: رد: انت مسلم ولا مسيحى 7/9/2007, 3:41 pm

كلمه صريحه وحقبقه

بس في نقطه مهما جدا

ان ده خطه مرسومه وبتتنفذ في مصر

عشان يبن ان في اضطهاد

للمسحين

وبعدين يجي المنقذ المحرر

طبعا احنه عرفينه

الحرر العراق

وفلسطين

وحيحرر ايران

ولبنان وهو بيخلص دلوقتي في افغانستان

علشان المسحين

من استعبدنا هي دي الحقيقه

بس الناس مش عيزه تشفها

(ملحوظه كلامك جرئ واثبت شئ واحد اني مش انا لوحدي الححبس

بركات)