إيه ده !! إنت منين يا متشرد انت ؟؟
أنا من كرموز !
ياي !! بيئة يعني !! أنا متشرد من سموحه !!
أخويه .. التشرد تشرد .. سواء كنت في زائير أو في نيويورك !!
لأ .. اسمحلي اختلف معاك .. انا بامارس هوايتي المفضله شد الكله بين الأزهار بينما انت يا متشرد يا حقير بتمارسها بين صفافيح الزباله والقطط الجربانه .. أنا ماستنضفش أقف معاك
الصوره السابقه دي مأخوذه لأحد أطفال الشوارع الباحثين عن الأفضل في عالم شد الكله .. فلم يجد أفضل من أزهار أمام كوبري كليوباترا .. ولاحظ انه اختار بعد الكوبري مش قبله عشان يبقى داخل سموحه !!
الطبقية ماعادتش بين اللي مش لاقيين ياكلوا بس .. بقت بين أطفال الشوارع كمان !!
بس أنا عندي سؤال واحد بس !!
إيه اللي يفرق الطفل ده عن أي طفل بيمشي على بعد خطوات منه رايح يلعب "سكيتنج" في نادي سموحه !!
بجد !!
والطفل المتشرد ده .. في رقبة مين !!
مسؤولية مين !!
السؤال ده محيرني فعلا !!
ملاحظه : اللمبي كان عنده معلومات أكيده لما قال "يقعد يشد في كله لحد ما وشه يبقى شبه فردة الكاوشت"
ملاحظه تانيه : أعتقد ان ده مش من اختياره
للازم نعرف رايك