البنت اللى مهرها قليل يبقى فيها عيب

هل كل ما المهر كاان كبير كان ده دليل على مكانة البنت؟؟

المهر هو المال الذي تستلمه الزوجه من الزوج قبل الزواج وهو سنة

والأن ما هي نظرة الزوج والناس لهذا المهر ...

هل المهر القليل يقلل من مكانة الزوجة وكرامتها بين الناس؟

هل المهر القليل سوف يجعل الزوج لايحترم الزوجة وينظر لها نظرة قليلة المستوى وبانها يوم قبلت بالقليل فهذا يعنى ان بها عيب؟

هل المهر القليل يساهم فى بناء وانجاح الزواج والحصول على التقدير والاحترام من الزوج ام يصور على انه عيب وعار ومستحيل؟


الان سؤال الى المهر الكثير ........

هل المهر الكثير يساهم ويجعل البنت محترمة وكبيرة وغالية بين الناس ؟

هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟

هل المهر الكبير يساهم فى انجاح الزواج وضمان ان الراجل ما يلعبش بديله زي ما بيقولوا؟
هل المهر الكبير ضرورى؟

مستنى ردودكم ورأيكم

هل كل ما المهر كاان كبير كان ده دليل على مكانة البنت؟؟
طبعا لأ .... وعلى فكرة احنا عندنا العريس مش بيدفع مهر خالص.....
علشان المهر دة كلام فاضي .... عندنا بدل ما العريس يدفع مهر للعروسة علشان تجيب بيه حاجات ... مابيدفعلهاش وبيجيب الحاجة هو ....

هل المهر القليل يقلل من مكانة الزوجة وكرامتها بين الناس؟
طبعا لأ .... ومش كل حاجة قيمتها بتتقاس بتمنها....وبعدين دة جواز وعروسة ....مش لعبة

هل المهر القليل سوف يجعل الزوج لايحترم الزوجة وينظر لها نظرة قليلة المستوى وبانها يوم قبلت بالقليل فهذا يعنى ان بها عيب؟
وهو ايه اللي هيخليه مايحترماش ويبصلها بصة وحشة ... دة حتى وفرت له فلوسة .... وبعدين حد قاله مايدفعش أكتر!!!!!

هل المهر القليل يساهم فى بناء وانجاح الزواج والحصول على التقدير والاحترام من الزوج ام يصور على انه عيب وعار ومستحيل؟
انتوا مكبرين الموضوع أوي بالعيب والعار والمستحيل دول.... وبعدين هما لو بيحبوا بعض بجد ... مش هيمهم ولا مهر ولا حاجة .... دة بجد كلام فاضي

هل المهر الكثير يساهم ويجعل البنت محترمة وكبيرة وغالية بين الناس ؟
انا عن نفسي مش بيهمني الناس أوي ... لأن الناس ولا بيعجبها العجب ولا الصيام في رجب
وبعدين المهم عندي أنا في نظر جوزي ايه ... والمهم أكتر ... إنه هو اللي يبقى عارف قيمتي صح ...

هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟
معتقدش ان الحياة الزوجية بتتقاس بالفلوس ... أمال الحب والتفاهم والصراحة والإخلاص والوفاء والراحة والحنان ... والحاجات دي كلها .... راحت فين .... دي الحاجات دي كلها ماتتعوضش بكنوز الدنيا كلها

هل المهر الكبير يساهم فى انجاح الزواج وضمان ان الراجل ما يلعبش بديله زي ما بيقولوا؟
الراجل لو عايز يلعب بديله هيلعب ومش هيهمه حاجة .... لأن دة طبع ... ومش الفلوس اللي هتمنعه من كدة ....

هل المهر الكبير ضرورى؟
لا طبعا مش مهم أبدا ... وأنا عن نفسي مش هاخد مهر خالص ... ولا حتى جنيه ....
وبعدين كفايا على العريس انه بيجيب شقة وبيجهزها على أد ما يقدر ... هرخم عليه واطلب مهر كمان
دة انا حتى كدة ربنا مش هيباركلي .... وكلنا عارفين ظروف الشباب اليومين دول